AI վարժություններ դասագրքից. ինչպես խնայել ուսուցչի ժամերը
Ուսուցիչը շաբաթական ժամեր է ծախսում երկու գործի վրա, որոնք դաս չեն. վարժություն կազմել և ստուգել։ Այդ երկուսը AI-ն այսօր անում է բավականաչափ լավ, եթե ճիշտ սահմաններ դնես։
Ինչպես է դա աշխատում
- Աղբյուրը դասագիրքն է, ոչ թե համացանցը։ AI-ն կարդում է հենց այն թեման, որն անցնում է դասարանը, և կազմում է խնդիրներ նույն մակարդակի ու նույն տերմիններով։ Եթե գիրքը սկանավորված է, գիրքը ներմուծելիս AI-ն կարդում է էջերի նկարները և դրանցից հանում թեմայի տեքստը։
- Երեք տեսակ. ընտրովի պատասխանով, թվային և կարճ պատասխանով։ Առաջին երկուսը ստուգվում են մեխանիկորեն, երրորդը՝ AI-ի միջոցով։
- Ուսուցիչն է որոշում։ Դասի ժամանակ նա ինքն է ընտրում, թե որ վարժությունը ուղարկի դասարանին։ Տնայինի համար ընտրում է թեման և քանակը, վարժությունները հավաքում է համակարգը, իսկ ավելորդը ուսուցիչը կարող է հանել։
- Պատասխանելուց հետո՝ բացատրություն։ Աշակերտը կարող է խնդրել լուծման քայլ առ քայլ բացատրությունը և լրացուցիչ հարց տալ։ Մինչև պատասխանելը բացատրությունը փակ է, որ լուծումը շուտ չբացահայտվի։
Ինչը մնում է ուսուցչին
- Թեման բացատրելը և դասը վարելը։
- Գնահատականը. AI-ն միայն նշում է՝ պատասխանը ճիշտ է, թե սխալ, իսկ գնահատականը դնում է ուսուցիչը։
- Որոշելը՝ ով ինչ անհատական առաջադրանք ստանա։
Ինչից զգուշանալ
- AI-ն սխալվում է։ Հազվադեպ, բայց սխալվում է՝ հատկապես երկրաչափական գծագրերում և բառային խնդիրների պայմաններում։ Դասի ժամանակ վարժությանը մեկ հայացք գցիր ուղարկելուց առաջ, իսկ տնայինը ստուգիր հանձնարարելուց անմիջապես հետո։
- Լեզուն։ Վարժությունը պիտի լինի դասագրքի լեզվով, ոչ թե ինտերֆեյսի։
- Տվյալները։ Հարցրու մատակարարին՝ արդյոք աշակերտների պատասխանները օգտագործվում են մոդել վարժեցնելու համար։
Արդյունքը
Երբ վարժությունները կազմվում և ստուգվում են ինքնաշխատ, ամեն պատասխան գրվում է աշակերտի գիտելիքի քարտեզում։ Ուսուցիչը առաջին անգամ տեսնում է ոչ թե դասարանի միջինը, այլ՝ ով որ թեմայում է հետ մնում։
TutorVoice-ում սա դասի մասն է. տես, թե ինչպես է աշխատում կամ փորձիր ուսուցչի դերով։